| وجهة نظر | |
|
|
كاتب الموضوع | رسالة |
---|
azhari_ce صول
عدد الرسائل : 75 العمر : 43 الموقع : https://shahd.hooxs.com تاريخ التسجيل : 31/01/2008
| موضوع: وجهة نظر الأحد مارس 02, 2008 8:38 pm | |
| يا جماعة الاعضاء الجدد ياتون بي مناهضتكم انتم وبي معارفكم انتم. المفروض انتم يا ممدوح ويا محمد يوسف وياخدوري بي معارفكم وعلاقاتكم تخطروا الناس ؛ لانو الليلة يا جماعة في 100 منتدي وفي 100 موقع علي النت : وبعدين ماتنسوا المنتدي بتاعنا جديد والمعهد زاتو جديد فيا جماعة شدو حيلكم معانا ونحن من خلفكم جنود انشاء الله. . | |
|
| |
rawan~sudan وسام العطاء
عدد الرسائل : 375 العمر : 35 تاريخ التسجيل : 30/01/2008
| موضوع: رد: وجهة نظر الخميس مارس 06, 2008 9:16 pm | |
| wallahi ma3ak 7ag..yala ba3ada kulana inshallah nashid 7eelna | |
|
| |
محمدخدوري صاحب الحضور الدائم
عدد الرسائل : 546 تاريخ التسجيل : 29/01/2008
| موضوع: رد: وجهة نظر الجمعة مارس 07, 2008 5:09 pm | |
| السلام عليكم أخي أزهري انا معاك في كلامك ده بس أنا عايز أقول حاجة بكل صراحة ومن غير زعل وين الأعضاء الأساسيين ووين مساهماتهم ووين ردودهم على المواضيع وبعدين بصراحة المساهمات واقفة ليها زمن من الأعضاء وعندي ملحوظة في موضوع الردود على المواضيع ، انا بعتقد الرد الجميل على اي موضوع هو نحفيز للعضو عشان يبدع أكتر وأكتر وقبل كم يوم كان معاي الباش مهندس محمد يوسف وكنا بنتناقش في الموضوع ده حتى علقت ليه وقلت ليه انا عايز ردود تستفزني عشان أكتب كل ما هو جميل وبعدين يا أزهري الأعضاء كلهم مافشين وأنا بصراحة مستاء جداً جداً من الوضع ده فكيف تدخل أعضاء جدد وتعمل إعلان إذا ما كان داخل المنتدى في نشاط وفي همة وغيرة على المنتدى ده وانا كلمت كم زول واديتهم الموقع وقالوا حيشتركوا وامس القريبة في زولة اختنا شغالة في البرج فتحت ليها المنتدى وشافت المواضيع وأشادت بالمنتدى والمواضيع المكتوبة وقالت حتسجل يعني انا ما نايم لكن بصراحة الردود البسيطة وفتور الأعضاء أحبطني والله . معليش إذا كان كلامي مسخن لكن انا زاتي مسخن ولو غلطان في كلامي أرجو من اعضاء المنتدى تصحيحي | |
|
| |
azhari_ce صول
عدد الرسائل : 75 العمر : 43 الموقع : https://shahd.hooxs.com تاريخ التسجيل : 31/01/2008
| موضوع: رد: وجهة نظر الجمعة مارس 07, 2008 9:06 pm | |
| كيف أمحوك من أوراق ذاكرتي وأنت في القلب مثل النقش في الحجر اشكرك الاخ الرائع خدوري ده كلام جميل ومحفز لينا ولي كل البقراءه وانا والمعاي في المعهد نوعدك بالمزيد والمزيد انشاء الله، بس انتو منجانبكم ماتقصروا كما عوتمونا دائما ،وجزب الاعضاء من جانبكم ومن جانبنا انشاء الله رعاكم الله وحفظكم
| |
|
| |
محمدخدوري صاحب الحضور الدائم
عدد الرسائل : 546 تاريخ التسجيل : 29/01/2008
| موضوع: رد: وجهة نظر السبت مارس 08, 2008 5:29 pm | |
| الأخ والصديق العزيز أزهري يديك العافية على هذا الكلام الجميل لكن انا ما زلت مصر على موضوع الردود في المواضيع التي تكتب في المنتدى لازم الزول البيقراء الموضوع يشوف كويس مكتوب شنو ويرد حتى لو كان الرد ده رد فيه نقد عشان يحصل استفزاز معنوي عشان الواحد يكتب كل ما هو جميل وكل مل هو مفيد . وربنا يدي العافية انشاء الله | |
|
| |
ممدوح أبارو مدير عام المنتدى
عدد الرسائل : 331 العمر : 44 الموقع : http://members.lycos.co.uk/shahdcomp/ تاريخ التسجيل : 29/01/2008
| موضوع: رد: وجهة نظر الأحد مارس 09, 2008 5:37 pm | |
| - محمدخدوري كتب:
- الأخ والصديق العزيز أزهري يديك العافية على هذا الكلام الجميل لكن انا ما زلت مصر على موضوع الردود في المواضيع
التي تكتب في المنتدى لازم الزول البيقراء الموضوع يشوف كويس مكتوب شنو ويرد حتى لو كان الرد ده رد فيه نقد عشان يحصل استفزاز معنوي عشان الواحد يكتب كل ما هو جميل وكل مل هو مفيد . وربنا يدي العافية انشاء الله دي حقيقة يا خدوري الناس حقو تعبر عن وجة نظرها بدون مجاملة ما دايرين نكون زي المنتديات العربية كلها مجاملات كدابة الواحد لو ما لقي الرد البستفز مشاعرو من غير( جرحها )ما ببدع
الله يرحمك يا برنس | |
|
| |
محمد يوسف نقيب
عدد الرسائل : 360 تاريخ التسجيل : 29/01/2008
| موضوع: رد: وجهة نظر الثلاثاء مارس 18, 2008 4:16 pm | |
| لقد إلتقيت بالشاعر المرهف والأخ صاحب الذوق الرفيع الاخ محمد خدوري عدة مرات وكان دوما محور حديثة المنتدى وهموم المنتدى وأحب ان ادلي برأي في هذا الهم إستجابة لما كتبه الإخوة أزهري وممدوح ومحمد خدوري في هذا الموضوع.
دخول أعضاء جدد وتسجيلهم سهل لكن الإستمررية في المشاركة هي المشكلة. الأعضاء المبدعين يحتاجون للتشجيع وذلك ليس بالتصفيق أو الإشادة فقط ولكن بالتفاعل مع الموضوعات التي يكتبونها مثل إبدأ الرأي والأخذ والرد فأنت لايمكن أن تتحدث عن هموم حي الدرجة بودمدني مع شخص من الخرطوم لانه لن يفهم ما يعنيك ولا يستطيع مناقشتك في هذا الموضوع كذلك عندما تكتب موضوع ما في المنتدى ولا تجد رد تفاعلي غير كلمة مشكور والتي يمكن أن يرد بها أي شخص عليك وأنت تتحدث معه عن تفاقم مشكلة الحمى النزفية بالولاية فيقول لك مشكور - ولكن الفرق بينه وبين إبن الولاية أو إبن المدينة أن الثاني يقول لك ماهي أعراض الحمى أو أن الإصابة تناقصت عن الشهر الماضي وهكذا ...... يكون هناك تفاعل مع الموضوعات.
ولا أعرف ماذا قصد الأخ العزيز ممدوح بكلمة تجريح ؟؟؟؟ فلا أعتقد أن أحد إذا قال لكاتب موضوع أن البرنامج لايعمل هل يعتبر تجريح؟ أو إذا قلت لأحد الأخوة أني أخالفك الرأي فيما كتبت ووجه نظري هي كذا هل هذا تجريح؟؟ وهل لو كتب الأخ الشاعر القدير خدوري قصيدة للشاعر نزار قباني ولم يذكر أنها منقولة عن نزار قباني وقام أحد الأعضا بتنبيهه بأن يميز بين القصيدة التي تخطها كلماته الرائعة وبين القصيدة التي خطها قلم نزار قباني هل هذا تجريح؟
الحقيقة لو وضع شخص رابط لايعمل أو برنامج لايعمل يمكن غخباره بان الرابط لايعمل أو البرنامج لايعمل وسوف يصحح الرابط أو يشرح لنا طريقة عمل البرنامج حتى يعمل معنا بصورة صحيحة وعندها تجد كلمة مشكور قد كتبت في نهاية الموضوع في مكانها المناسب فعلاً بعد أن قمت بتنزيل البرنامج وإستفدت منه بصورة كاملة. | |
|
| |
محمد يوسف نقيب
عدد الرسائل : 360 تاريخ التسجيل : 29/01/2008
| موضوع: رد: وجهة نظر الثلاثاء مارس 18, 2008 4:19 pm | |
| لحقيقة تحميل الموضوعات أكثر مما تحتمل والحساسية الزائدة عن اللزوم مع بعضنا البعض قد تكون عقبة في المشاركة في الموضوعات والنقاش الذي يمكن أن يفيد الجميع وكذلك تبادل المعرفة فيما هو مشترك بيننا جميعاً فتقريباً 75% من أعضاء المنتدى أما خريجي حاسوب أو أساتذة حاسوب أو عاملين في مجال الحاسوب فلماذا لانتبادل المعرفة في مجال الحاسوب؟
الحقيقة أنا أستميحكم العذرأن أشن حملة قوية على صديقي العزيز الذي أشهد الله أني أسر كل ما رأيته في كل وقت وحين وهو مدير المنتدى والإخوة المشرفين فكلمة مدير أو مشرف في منتدى ليست للتمييز بقدر ما أنها مسؤلية تجاه الاعضاء فنرحب بالجديد ونشارك بالموضوعات ونبتدر النقاش ونفتح أبواب لها فنحن أصحاب سلعة فلابد من الترويج لها بالأفكار والموضوعات فهناك من يسجل ولايعرف كيف يكتب موضوع وهناك من يسجل ويتهيب المشاركة وكل هذه الحالات مسؤلية الأدمن يجب عليه تشجيع الأعضاء الجدد ومعرفة سبب توقفهم عن الكتابة ومحاولة مساعدتهم.
والأخ الأدمن وإن كان قد نشط أخيرأ ولكنه كان في خمول طويل في الفترة الماضية وحتى مشاركاته قلت بصورة كبيرة عن ما نعرفه من كثرة معرفته ونشاطه السابق في منتديات الحديبة ولكن يبدو أن المقولة التي تقول الي في البر عوام صحيحة.
وأعود لأقول أن شخصية الأخ العزيز ممدوح مدير المنتدى وما حباه الله به من ذوق رفيع واخلاق عالية وأسلوب مهذب راقي كان سبب قوي في نجاح هذا المنتدى بهذه الصورة ووصول عدد أعضاء المنتدى والمشاركات الى هذا العدد في وقت وجيز (وقالو حتى في مجال المعهد والإنترنت شفق ناس البرج عديل كدا وقالوا الزبائن نقصوا النص) هاهاهاها لكن لازال في إنتظارك الكثير يا باش ممدوح والصعود للقمة عاوز جهد دائماً.
بعدين يا أدمن أعمل ليك منتدى خاص للمشرفين يدخلوهو كل المشرفين علشان نتناقش فيهو وما نتشاكل قدام الناس ويشردوا الأعضاء الجداد الحساسين مننا.
عمكم أبو كلام أشتر/ محمد يوسف | |
|
| |
محمد يوسف نقيب
عدد الرسائل : 360 تاريخ التسجيل : 29/01/2008
| موضوع: رد: وجهة نظر الثلاثاء مارس 18, 2008 4:24 pm | |
| أها يا جماعة الي بيقبل الناس تتفاعل مع موضوعاتو حتى لو بالنقد يسجل معانا هنا والي ناقل ليهو موضوع وخايف يسالو منو يعمل نايم بس. | |
|
| |
ممدوح أبارو مدير عام المنتدى
عدد الرسائل : 331 العمر : 44 الموقع : http://members.lycos.co.uk/shahdcomp/ تاريخ التسجيل : 29/01/2008
| موضوع: رد: وجهة نظر الثلاثاء مارس 18, 2008 6:14 pm | |
| [quote=" والأخ الأدمن وإن كان قد نشط أخيرأ ولكنه كان في خمول طويل في الفترة الماضية وحتى مشاركاته قلت بصورة كبيرة عن ما نعرفه من كثرة معرفته ونشاطه السابق في منتديات الحديبة ولكن يبدو أن المقولة التي تقول الي في البر عوام صحيحة.
[/quote] يا باش سلام انا قصدت اني ما املي البمنتدي بي المواضيع عشان التفاعل بعدين صراحة ثقافة الكوبي بست دي ما قاعد اعرف ليها بالنسبة للفي البر عوام فدي ما صحيحه وانا بشارك زيي زي اي عضو حتي اني بحتل المرتبه التالته من حيث المواضيع ودي جبتها لابالردود علي المواضيع لاني ما عندي مساهمات كتيره وانا محترف بي كده لكم الود يا عمنا يا ابو كلام اشتر (وجوه ضاحكه كميه) | |
|
| |
محمدخدوري صاحب الحضور الدائم
عدد الرسائل : 546 تاريخ التسجيل : 29/01/2008
| موضوع: رد: وجهة نظر الأربعاء مارس 19, 2008 3:48 pm | |
| والله يا باش انا معاك في كل كلمة كتبتها وقلتها مع انك سلفاً عارف رأي في الموضوع ده شنو . | |
|
| |
| وجهة نظر | |
|