دردشة و منتديات شهد السودانية

معهد SHC للكمبيوتر والانترنت
 
الرئيسيةالبوابةاليوميةمكتبة الصورس .و .جبحـثالتسجيلالأعضاءالمجموعاتدخول

شاطر | 
 

 المبدع القدال في امونه شن بتشوفي

اذهب الى الأسفل 
كاتب الموضوعرسالة
fero
ملازم
ملازم
avatar

ذكر
عدد الرسائل : 108
العمر : 39
الموقع : http://shahd.hooxs.com
العمل/الترفيه : محاسب
تاريخ التسجيل : 03/02/2008

مُساهمةموضوع: المبدع القدال في امونه شن بتشوفي   الأربعاء مارس 19, 2008 2:13 pm

محمد طه القدال : بين الخليفة وأمونة بت حاج احمد

وانتى فى كل الخواتم والمياتم
والنجيمات والعواتم
ما حزنت اقول بكيتك
ونحن فى حزن المخاليق
والمغنين المطاليق
الفرح جاييك وعد
غنوة اولاد التحاريك
السعد ولا البعد
البعد ولا السعد
وكنتى فى ليل الخوابى
تهاتى بينات الطوابى
تحاكى جقليب السعى
الجناييت خلو حجرك ريح يفوفى
وعين مزرزرة من شقى الفرح المرابى
ومنية الوعد الدعى
يا ديارى الوين ....أنى
تور عفين الشين .....أنى
ما اضينة وزين انى
تور عفين الشين انى
وانت فى شوفك تخاتل رفة الطير والحفيف
وانت فى خوفك تكاتل عينة الجلبت خريف
وانت فى اللالوبة مصلبة البنيات
النسيمات الهفيف
وانت فى اللالوبة مشنقة الوليدات
ناس نجومى ومحبس النفس الرهيف
بطنك كرشت غى البنات نافى
دقنك حمست جلدك خرش مافى
وكت الوهم نافيت .. صدق الوعد جافى
وكت العلم جافيت .. مر الصدق وافى
وكنا بنشيل الغباين والاناشيد
جهدية الاورطية
جهدية الحلبونا
شدو جمالم جونا
حلبنا ليهم سمسم
والسمسم ما كفاهم
جلبنالهم سعية
وجينا للبقعة ام قبايل
سيل من الوادى الكبير
الكفيف شايل الكسيح
يا عيون ود الضكير
واحدة من توشكى
تقلع
تانى تقلع فى المطامير
يا جبة الدرويش
البابا بسل العيش الله بسلا
والبابا خدمة الديش الله بسلا
البابا القول بى شويش
يا عيون ود الضكير
عماك فى حقك ديه
لى زمنا مو جهدية
جهدية الاورطية
جهدية الحلبونا
شدو جمالم جونا
وحلبنا ليهم سمسم
والسمسم ما كفاهم
جلبنالهم سعية
يا عيونى شن بتشوفى
ويا امونة شن بتشوقى
شدرا تال اليمامة
ولا الصقر الحمامة
ولا البطن التفوفى
يا امونة شن بتشوفى
ويا عيونى شن بتشوفى
جهدية وسيف وراية
تبروقة وخيل وشاية
اذان بالجوع اذن لى
ام خوفك فايت خوفى
يا امونة شن بتشوفى
ويا عيونى شن بتشوفى
تلت التلاتة شلق
تانى التلات محلق
والتالت جا يبشرنى
سرقوهو الدايرين حتوفى
يا امونة شن بتشوفى
ويا عيونى شن بتشوفى
شايفة الدموم واللمة
بين الدقون والعمة
ولانى فوق معلق
صقر الحدى مندوفى
يا عيونى شن بتشوفى
ويا امونة شن بتشوفى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://shahd.hooxs.com
rawan~sudan
وسام العطاء
وسام العطاء
avatar

انثى
عدد الرسائل : 375
العمر : 30
تاريخ التسجيل : 30/01/2008

مُساهمةموضوع: رد: المبدع القدال في امونه شن بتشوفي   الجمعة مارس 21, 2008 5:10 pm

mashkoor
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
محمدخدوري
صاحب الحضور الدائم
صاحب الحضور الدائم
avatar

عدد الرسائل : 546
تاريخ التسجيل : 29/01/2008

مُساهمةموضوع: رد: المبدع القدال في امونه شن بتشوفي   الجمعة مارس 21, 2008 5:17 pm

الأخ المبدع دوماً فيرو دائماً تأسرنا مشاركاتك الجميلة
وأقف امام جمال هذه الكلمات صامتاً
تقبل مروري يا رايع

_________________
كيف أمحوك من أوراق ذاكرتي وأنت
في القلب مثل النقش في الحجر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
غصن الرياض
رقيب
رقيب


ذكر
عدد الرسائل : 27
العمر : 35
تاريخ التسجيل : 03/03/2008

مُساهمةموضوع: رد: المبدع القدال في امونه شن بتشوفي   الخميس مايو 15, 2008 1:24 pm

الله اخى فيرو

زوقك جميل ولى قدام
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
المبدع القدال في امونه شن بتشوفي
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دردشة و منتديات شهد السودانية :: الشعر والادب-
انتقل الى: