الـــــمـــــطـــــارحــــة الشــــعـــريـــة

نقيب عدد الرسائل : 360 تاريخ التسجيل : 29/01/2008

بلادى انا ... بلاد ناساً من اول شئ
مواريثهم كتاب الله
وخيل مشدود وسيف مسنون
حداه درع ...
تقاقيبن تسرج الليل مع الحيران
وشيخاً فى الخلاوى ورع
وكم نخلات تهبهب فوق جروف الساق
وبقرة حلوبة تتضرع وليها ضرع ...
وداراتاً تنوح بالليل
وبنوتاً تحاكى الخيل
يتاتن زى جدى الريل
وشبالن مكنتل فى طريفو ودع
وساقيتاً تصحى الليل مع الفجراوى
يبكى الليل ويدلق فى جداولو دمع
يخدر فى بلادى سلام
خدرتاً شاربى موية النيل
تزرف فى البوادى زرع
بلادى سهول .. بلادى حقول
بلادى الجنة للشافوها
او للبرة بيها سمع ...
بلادى انا بلاد ناساً تكرم الضيف
وحتى الطير يجيها جيعان
من اطراف تقيها شبع ..
بلادى الصفقة والطمبور
بلادى بلاد من التاريخ
بلادى امان وناسا حنان
يكفكفو دمعة الموجوع
يبدو الغير على ذاتم
يقسمو اللقمة بيناتم
ويدو الزاد ...
حتى ان كان مصيرم جوع
ديل اهلى
عرب ممزوجة بدم الزنوج الحارة
ديل اهلى ...
ديل قبيلتى لمن ادور افصل
للبدور فصلى ...
اقول بعضى .. !!
الاقيهم تسربو فى مسارب الروح
بقوا كلى ..
اسياد قلبى والاحساس
وسافر فى بحار شوقهم
زمااااان عقلى ...
محل قبلت القاهم
معاى .. معاى زى ضلى
لو ماجيت من زى ديل
كان اسفاى وا مأساتى وا ذلى
تصور كيف يكون الحال
لو ماكنت سودانى ؟؟؟
واهل الحارة مااهلى

"ي"

يا من أحبك وأصطفيك
انا لي روح مفتونة بيك
حلم الربيع لمن ينظرك
ويسحر لكل من ينظرك
يا اسمى غايت الوجود
كل الخلوق تتشابى ليك
"ك"

يغيب والى القلوب الزين
ومدفوسه الرفوف والين
وودسلفاب تفارق الروح
وأرواح الهتش بايرين
يمرقوا الناس ديوش وخلوق
على دخرى الوطن باكين
لا إعلان لا إذعان
لا ترتيب لا تغييب
لا ترهيب تجيبلوا حجاب من الفقرا
(أ)

انت وانا من حقنا نفرح نطير زي الفراش
لمكان بعيد ما زراوا زولاً قبلنا
انت وانا من حقنا نلملم عقاب الذكريات
كان الذكرى تاني تلمنا
عارفنو ظلم الهوى كم غباً قلوبنا وحزنا
يومنا الفرحنا مع الخيال قلنا الفرح من حقنا
بشرنا بفال الفراق زي ما حرم عشاق كتير من قبلنا
انت وانا من حقنا نبقى عشاق للابد نشيل الغرام في دمنا
لا انت تنسيه ولا انا ولا انا
"ا"

نقيب عدد الرسائل : 360 تاريخ التسجيل : 29/01/2008

أرَاكَ عَصِيَّ الدَّمْــعِ شِيمَتُــكَ الصَّبْرُ ****** أمَا لِلْهَوَى نَهْـيٌ عَلَيْـكَ وَلا أمْــر
بَلَى أنَا مُشْتَــاقٌ وَعِنْدِي لَوْعَــةٌ ****** وَلَكِـنَّ مِثْلِـي لا يُـذَاعُ لَهُ سِـــرُّ
إذَا اللَّيْلُ أضْوَانِي بَسَطتُ يَدَ الهَوَى****** وَأذْلَلْتُ دَمْعًا مِـنْ خَلائِقِـهِ الْـكِبْرُ
تالغير اخلاقيةادُ تُضِيءُ النَّــارُ بَيْنَ جَوَانِحِـــي****** إذَا هِيَ أذْكَتْهَا الصَّبَابَةُ وَالْفِكْرُ
مُعَلِّلَتِـي بالْوَصْــلِ وَالموت دُونَـهُ ****** إذَا مِـتُّ ظَمْآنـًا فَلا نَـزَلَ الْقَطْـرُ

"ر"

رحت خليتنا تاني ما جيتنا لو مغاطلنا
ما مصدقنا اسأل العنبة الرامية فوق بيتنا
قلنا نصبر لالا ما بنقدر الصبر قاسي
والمحبة قدر .
"ر"

نقيب عدد الرسائل : 360 تاريخ التسجيل : 29/01/2008

والله يا باش يا دوب عرفتا الكلمة دي الي بلقاها مكتوبة في الرقشات والبصات معناها شنو؟

يا حبيب الروح يا أغلى غرام
أسأل قلبك هو يقلك لوكان حنا
(أ)

إن أردت الرحيل فارحلي
ولكن تيقني بأني سأظل أسيرك مدى دهري
هذا أنا وبكل قوتي أصبح ضعيفا جدا أمامك

كانوا بتمنوك بو ترتاحي لحظة على الدرب
حبوك حب قدر الحروف الحايمة في بطن الكتب
قدر الخيال ما مدى ايدو على السحب
"ب"

يمه الحنينه الشوق غلب ليك يا جمياه وللبلد ولي كل زول في الدار هناك للخاله والعم والولد[b]

كنا بنشكي ليك وكان قلبك حنين*انت ظلمتو ريدنا وعاد نشكيك لمين[b]

كنا بنشكي ليك وكان قلبك حنين*انت ظلمتو ريدنا وعاد نشكيك لمين(ن)[b]

والله ياخدورى ربنا يخليك كلامك يحمل معانى كبيرة لايفهمها لامن حساها , نتمنى ان تواصل الكتابة فنحن فى انتظار المزيد