بسم الله نبدأ مع ظرفاء المدينه
ودي اولي الحلقات:d
واحد من ظرفاء ودمدني كان جالس مع مجموعة من (شلتو) في محل (قعدة) آخر (سكر) بفتح السين..
المهم بعد لحظات جاء ماري (عمبلوك) بالقرب من مكان قعدتهم ويصيح (باع.. باع)..
أخينا الظريف عاين (للعمبلوك) وقال لجماعتو: القعدة دي ما بتحلو إلا (بالموضوع دا) أشار الى (العمبلوك).. الجماعة فهموا وعلي طول امسك امسك مسكوا (العمبلوك) ورموه علي الأرض وذبحوه.. وشوه.. أكلوا لحمتو ورموا الجلد علي مقربة منهم وواصلوا في قعدتهم..
بعد شوية ظهر صاحب (العمبلوك) يفتش علي (العمبلوك).. لما شاف الجلد عرف الحصل..
مشي بلغ علي الجماعة.. اعتقلوهم كلهم ورموهم السجن.. يوم المحكمة الجماعة كلهم اتنصلوا من التهمة ورموها علي اخينا الظريف.. وقالوا الفكرة فكرتو..
سأل القاضي اخينا الظريف.. قام نكر خالص وحلف ستين يمين وقال أصلو ماشف (عمبلوك) ولا يحزون..
أمر القاضي بإحضار المصحف الشريف.. جابوا مصحف قديم من النوع الضخم وقالوا لصاحبنا الظريف تحلف يمين قسم.. أخينا الظريف نظر للمصحف وبسرعة بديهة قال للقاضي:
عليك الله يا مولانا دا مصحف (عمبلوك).. ما تجيبوا لينا جزء عم صغير قدر (العمبلوك) خلونا نحلف عليه.. القاضي وصاحب (العمبلوك) من شدة الضحك لمان قربوا ينشرطوا.. وفي النهاية أطلقوا سراحو.
* * * * * * *
قالو مرة واحد من جماعة الكاسات المحمولة جوا (ههههههههههه) جماعة قاعدين معاه قعده اها قامو طلعو منو الساعة واحده صباحا بعدين بيتهم قاسمينو لي اتنين هو واخوه اخوه بتاع دين وصلاه بعدين بابو براه وهو سكر وشباب وكورة وبرامج , المهم بعد ما الشباب طلعو منو الساعة واحدة صباحا دخل دقيقتين ماتمت الباب دق (كوكوكو) فتح الباب السلام عليكم كيف يا شباب ؟ اتفضلو قالو ليه معليش بس نحن دايرين عدة الحفر عندنا مرة ماتت ,,,,, رد ليهم بسرعة لا دي الشباب والرياضة الشئون الدينيه بي الباب التاني
الأحد فبراير 03, 2008 1:34 pm
